【華文版】
全身紅、腫且癢逾6週 小心慢性自發性蕁麻疹上身
【羅盛滿／新竹竹東海陸腔】秋冬季節交替，又到了蕁麻疹好發、加劇時間點。醫師提醒，不少人全身紅、腫、癢，仍抱持「忍一下就好」迷思，甚至與過敏混淆，當症狀出現逾6週、無法痊癒，恐已慢性自發性蕁麻疹上身。
蕁麻疹的成因多元，又可分為急性跟慢性。台灣皮膚科醫學會理事長趙曉秋今天在衛教記者會中舉例如她的大兒子「從小到大罵不得」，因為情緒一緊張就會全身起疹子，緩和之後又好轉，而她自己則是不能吃蚵，偏偏又喜歡蚵仔煎，難免嘴饞偷吃就東抓西抓，症狀通常幾天或1、2週內消失，這些都比較屬於急性蕁麻疹。
至於慢性蕁麻疹，當症狀反覆出現6週以上，就有很大機率中獎。不過，長庚醫院皮膚科主治醫師陳俊賓表示，雖然可用發病時間長短簡單區分，但門診觀察，很多患者就算全身出現形狀不規則、大小不一的紅疹，仍抱持「忍一下就好」迷思，或與急性蕁麻疹、過敏混淆，嘗試調整生活作息、改善環境、避免特定食物等，導致出現症狀到確診，平均時間長達2年。
值得注意的是，生活中有些容易加重病情的小地雷，包括家庭常備止痛藥、止咳藥、秋冬進補、含香精或辣味的食物、抗高血壓藥等。陳俊賓說，這些都可能增加組織胺。
陳俊賓提醒，慢性自發性蕁麻疹成因多數和食物、空氣髒污沒有直接關係，主要成因是自體免疫系統過度活化，進而錯誤攻擊自身皮膚組織及觸發炎症反應，且有許多不同誘發因素，如持續的壓力、過度憂鬱等，在症狀頻繁發作下，容易合併多種不同疾病，如甲狀腺炎、焦慮症、自體免疫疾病等。
尤其女性要特別小心，台大醫院皮膚部主治醫師卓雍哲簡報指出，女性患者約為男性的2倍，研判與女性較多自體免疫性疾病相關，又以三明治世代女性容易發生，他曾收治1名40多歲女性患者，對外職場工作繁忙，且上有老、下有小要照顧，生活內外夾攻情況下，慢性自發性蕁麻疹成為壓倒駱駝的最後一根稻草。
卓雍哲接受媒體聯訪表示，慢性自發性蕁麻疹對患者的生活影響深遠，不僅是身體跟心理上的不適，國外研究顯示7成患者工作效率受影響，平均缺勤率達3成6，及早介入與持續治療是關鍵；台灣皮膚科醫學會推出治療共識逐步治療，另外也會建議患者調適生活、排除壓力，多管齊下改善病情。（中央社）
【客文版】
歸身紅、腫還過痎超過6隻禮拜 愛細義係慢性自發性起冷瘼
秋冬季節交替，又到了當會起冷瘼个時節。醫生提醒，盡多人歸身紅、腫、痎，還係想講「忍一下斯好」个迷思，甚至摎過敏舞共下，係講症頭出現超過6隻禮拜、無法度完全恢復，可能係慢性自發性起冷瘼了。
起冷瘼个原因當多，又做得分做急性摎慢性。台灣皮膚科醫學會个理事長趙曉秋今晡日在衛教記者會當中舉例仔講，像係佢个大倈仔「從細到大罵毋得」，因為情緒一緊張就會歸身發粒仔，較緩兜仔之後又變好，像佢自家係做毋得食蚵仔，毋過又當好食蚵仔煎，難免嘴當豺偷食就爪來爪去，通常症頭幾日仔抑係一兩隻禮拜之內斯無了，這兜都比較算係急性起冷瘼。
另外慢性起冷瘼，係講症頭反覆出現6隻禮拜以上，就有當大个機率著獎遰著了。毋過，長庚醫院皮膚科个主治醫師陳俊賓講，雖然做得用發病个時間長短簡單去分，毋過對門診觀察，當多患者就算歸身出現形狀無規則、大細無共樣个紅疹，還係想著「忍一下斯好」个迷思，或者摎急性起冷瘼、還過過敏舞共下，試看調整規律生活、改善環境摎避免特定个食物這兜，造成出現症頭到確診，平均時間長達2年恁久。
值得注意个係，生活肚有兜容易加重病情个地雷痛點，包含屋下肚會準備个止痛藥、止嗽藥、秋冬進補、包含香精抑係會辣个食物還過抗高血壓个藥仔這兜。陳俊賓講，這兜都可能增加組織胺。
陳俊賓提醒，慢性自發性起冷瘼个原因大體摎食物還過空氣屙糟無直接个關係，主要原因係自體免疫系統過度活化，進一步錯誤攻擊自身皮膚組織摎觸發炎症反應，還過有當多無共樣个引起因素，像係持續个壓力摎過度愁慮這兜，在症頭長下緊發作个情形之下，容易合併幾下種無共樣个疾病，像係甲狀腺炎、焦慮症還過自體免疫疾病這兜。
尤其細妹人愛特別細義，台大醫院皮膚部个主治醫師卓雍哲个簡報指出，細妹人患者大約係男仔人个兩倍，判斷係摎細妹人較多个自體免疫性疾病有關，又以三明治世代个細妹人容易發生，佢識收治1個40零歲个細妹人患者，對外个職場頭路當無閒，還過屋下肚有老人家摎細孲仔愛照顧，生活內外夾攻个情況之下，慢性自發性起冷瘼成為壓倒駱駝个最尾一支禾稈。
卓雍哲接受媒體聯訪表示，慢性自發性起冷漠對患者个生活影響當大，毋單凈係身體摎心肝肚个毋鬆爽，國外研究顯示有7成个患者工作效率受著影響，平均缺勤率達到3成6，早兜仔插手摎持續治療係關鍵；台灣皮膚科醫學會推出治療共識逐步治療，另外乜會建議患者調適生活、排除壓力，幾種方法共下進行來改善病情。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
