【華文版】
客家預算遭刪 後生連署籲撤回：為什麼客家總是被犧牲？
【羅盛滿／新竹竹東海陸腔】客家委員會今年度預算案，媒體及政策宣導費被統刪60%，引起客家人不滿，客家後生在網路上發起連署並提出三點聲明：「撤回刪減客委會預算提案」、「客家藝文產業資源不該扼殺」及「 客家社團團結發聲，不能再默不作聲」，強調「這不只是預算問題，而是世代問題」。
數十位客家後生發起「反對惡意凍結客家預算連署」，對於國民黨與民眾黨提案刪除客家委員會媒體宣導費及藝文傳播推廣費，「我們不禁要問：為什麼總是客家被犧牲？」
聲明指出，預算代表的不只是客委會的預算，更是客家在台灣社會中發聲的機會，是母語傳承的橋梁，是年輕一代認識自己文化的管道。它讓客家話能在電視、廣播、網路上被聽見，讓客家活動能被更多人看見。預算被刪，不只是政策上的損失，而是客家文化在公共領域的進一步邊緣化。
連署內容提到，客家在台灣一直處於相對弱勢的地位，上一輩為了爭取「還我母語」，歷經抗爭才讓客語逐漸回到公共空間。客家文化不該卑微，保衛客家文化權益，一如我們的祖先，後生不會缺席，「家園是守護而來，文化是滋養而來，後生此時就該勇敢站出來」。
預算審議補助引討論 客委會：今年推廣「H－POP客流音樂」
媒體報導預算審議議題、引起討論客家委員會補助「大港開唱」是否符合推廣客家文化；客委會今天（19日)表示，相關推動係基於族群主流化思維，使全國民眾都可以在各種活動感受到包含客語的多元文化表現。
客委會強調，推廣客家流行音樂是客委會向下扎根客語的重要政策之一，今年編列預算，即將展開「H－POP客流音樂」發展計畫，期培力年輕客家歌手之音樂創作及展演能量，客委會衷心期盼立院各黨團共同支持客委會預算，一起推進客家語言文化的傳承。
李遠：文化人站出來即國家有危機 盼慎審預算案
文化部長李遠今天在行政院記者會說，呼籲立法院理性審查114年度中央政府總預算案，而文化人絕對不是靠政府補助工作，但當文化人都站出來連署發聲時，就代表國家有重大危機。
李遠說，他在文化界工作50年，文化人工作絕非靠政府補助，政府本該創造環境讓文化人出國展演、駐村與協助翻譯，否則台灣很快或已輸給日本、韓國很遠，甚至相關預算僅韓國1/5。（中央社）
【客文版】
客家預算刪忒 後生仔連署呼籲撤銷講：做麼客家總係分人犧牲？
客家委員會今年度預算案，媒體摎政策宣導費總下刪忒60%，引起客人个不滿，客家後生仔在網路頂發起連署還過提出三點聲明：「撤銷刪忒客委會預算提案」、「客家藝文產業資源不應該扼殺」還過「 客家社團團結發聲，做毋得再過恬恬毋出聲」，強調「這毋單淨係預算問題，還較係世代問題」。
幾下十個客家後生仔發起「反對惡意凍結客家預算連署」，對於國民黨與民眾黨提案刪忒客家委員會媒體宣導費摎藝文傳播推廣費，「𠊎俚堪毋得愛問：做麼總係客家分人犧牲？」
聲明指出，預算代表个毋單淨係客委會个預算，還較係客家在臺灣社會當中發聲个機會，係母語傳承个橋梁，係後生一代認識自家文化个管道。預算分客話做得在電視、廣播、網路頂分人聽著，分客家活動做得分還較多人看著。預算刪忒，毋單淨係政策上个損失，還較係客家文化在公共領域个進一步邊緣化。
連署內容提著，客家在臺灣緊位在相對弱勢个地位，上一輩為著爭取「還我母語」，經過抗爭正分客語漸漸仔轉到公共空間。客家文化不應該卑微，保衛客家文化權益，斯像𠊎俚个祖先，後生仔毋會缺席，「家園係守護來个，文化係滋養來个，後生仔這下就應該勇敢个企出來」。
預算審議補助引起討論 客委會講：今年推廣「H－POP客流音樂」
媒體報導預算審議議題、引起討論客家委員會補助「大港開唱」敢符合推廣客家文化；客委會昨晡日表示，相關推動係根據族群主流化思維，分全國民眾都做得在各種活動感受著包含客語个多元文化表現。
客委會強調，推廣客家流行音樂係客委會向下訂根客語个重要政策之一，今年編列預算，黏皮展開「H－POP客流音樂」發展計畫，期待培養後生客家歌手个音樂創作摎展演能量，客委會衷心期盼立法院各黨團共下支持客委會預算，共下推進客家語言文化个傳承。
李遠講：文化人企出來斯代表國家有危機 盼望詳細審查預算案
文化部長李遠今晡日在行政院記者會講，呼籲立法院理性審查114年度中央政府總預算案，文化人絕對毋係靠政府補助工作，毋過係講文化人都企出來連署發聲个時節，斯代表國家有重大个危機。
李遠講，佢在文化界做事50年，文化人工作絕對毋係靠政府補助，政府本旦應該創造環境分文化人出國表演、駐村還過協助翻譯，無臺灣當遽抑係早斯輸分日本摎韓國當遠，甚至相關預算淨韓國个五股一。
講客廣播電臺
官網網路收聽：https://www.hakkaradio.org.tw/
Android版 APP下載：https://reurl.cc/8GWlXd
IOS版 APP下載：https://reurl.cc/O1pb59
